lic beema sri policy 948 detail in telugu ఎల్ఐసి వారి బీమాశ్రీ పాలసీ 948

   హాయ్ ఫ్రెండ్స్ ఇన్సురెన్స్ పాలసీల సమాచార, బ్లాగ్ కి మీకు స్వాగతం.ఈ రోజు మనం ఎల్ఐసి వారి బీమాశ్రీ పాలసీ గురించి తెలుసుకుందాం. 

అసలు ఏంటి ఈపాలసీ ?

ఈ పాలసీ పేరు బీమాశ్రీ ,ఈ పాలసీ మీకు  పొదుపు మరియు రిస్క్ కవర్ అందించే పాలసిగా ఉంది అని చెప్పవచ్చు.ఎల్ఐసి బీమాశ్రీ పాలసీ ఎల్ఐసి యొక్క ఉత్తమ పాలసీల్లో ఒకటిగా ఉంది అని చెప్పవచ్చు.

పాలసీ తీసుకోవడానికి అర్హతలు 

8 సంవత్సరాల నుండి 55 లోపు ఉన్నవారు ఈ పాలసీ తీసుకోవచ్చు,కనీస పాలసీ 10,00,000 నుండి గరిష్టంగా ఎంత పాలసీ అయిన ఇస్తారు.కాలపరిమితి14 లేదా 16 లేదా18 లేదా20 సంవత్సరల మద్య పెట్టుకోవచ్చు.

అయితే ప్రీమియం మాత్రం పాలసీ టర్మ్ చివరి 4సంవత్సరాల పాటు ప్రీమియం కట్టవలసిన అవసరం లేదు.  ప్రీమియం కట్టడానికి సంవత్సరానికి,ఆరు నెలలు ,ముడు నెలలు,నెలవారీ చొప్పున కట్టవచ్చు.

పాలసీ తీసుకున్న వ్యక్తీ చనిపోతే 

పాలసీ కాలపరిమితిలో పాలసీ అమలులో ఉండి పాలసిదారుడు చనిపోతే,నామినిగా ఎవరయితే ఉన్నారో వాళ్ళకి పాలసీ అమౌంట్ ఇస్తారు. ఇక్కడ సమ్ అస్సుర్డ్  డెత్ మరియు లయల్టి ఆడిషన్  ఇస్తారు.

ఇక్కడ సమ్ అస్సుర్డ్ డెత్ అంటే మీరు ఎంత పాలసీ తీసుకున్నారో దానికి 125 శాతం గాని లేకపోతే మీ సంవత్సరం ప్రీమియంకి 10రెట్లు గాని లేకపోతే చెల్లించిన ప్రీమియం 105 శాతం గాని ఈ మూడింటిలో ఏది  ఎక్కువ అయితే అది నామినికి ఇవ్వడం జరుగుతుంది.  

పాలసీ తీసుకున్న వ్యక్తీ బ్రతికి ఉంటే  

పాలసీ కాల పరిమితి చివరి వరకు పాలసీదారుడు జీవించి ఉంటే అతనికి మేచ్యురిటి అమౌంట్ ని చెల్లించడం జరుగుతుంది.మధ్యలో మీకు ప్రీమియం చెల్లించడం పూర్తి అయిన తరువాత 2 సార్లు మీరు తీసుకున్న టర్మ్ ఆదారంగా మనీ బ్యాక్ రావడం జరుగుతుంది. ఈ పాలసీలో మీకు సమ్ అస్సుర్డ్ తో పాటు లయల్టి ఆడిషన్  రావడం జరుగుతుంది .

ఉదాహరణ  

రాజు అనే ఒక వ్యక్తీ వయస్సు 30 సంవత్సరాలు,అతను 20 సంవత్సరల కాలపరిమితితో ఒక 10 లక్షల  రూపాయల పాలసీ తీసుకుంటే, ఏడాదికి ప్రీమియం 71,416 తో పాటు GST కలిపి ప్రీమియం గా  చెల్లించాలి .

ఒక వేళ రాజు గారు కాల పరిమితి చివరి వరకు జీవించి ఉంటే 16 సంవత్సరం 4,50,000 మరియు 18 సంవత్సరం 4,50,000 మనీ బ్యాక్ కింద రావడం జరుగుతుంది.గ్యారంటి మేచ్యురిటి కింద 9,55,000 ఇస్తూ 3,90,000 లయల్టి ఆడిషన్  వస్తే 13,45,000 మొత్తం రావడం జరుగుతుంది . 

మనీ బ్యాక్ కూడా కలుపుకుంటే మొత్తంగా 22,45,000 రావడం జరుగుతుంది. ఒక వేళ మధ్యలో ఎప్పుడు మరణించిన 10 లక్షల రూపాయలతో పాటు అప్పటివరకు జమ అయిన బోనస్ కలిపి నామినికి చెల్లిస్తారు  .

పాలసీ తీసుకున్న తరువాత వద్దు అనుకుంటే ?  

పాలసీ తీసుకున్న తరువాత మీకు పాలసీ యొక్క నియమ నిబందనలు నచ్చక పోతే, పాలసీ తీసుకున్న 15 రోజుల లోపు పాలసీని రద్దు చేసుకోవచ్చు.అప్పడు మీకు మీరు చెల్లించిన ప్రీమియంలో ఖర్చులు పోను మిగిలిన అమౌంట్ మీకు ఇవ్వడం జరుగుతుంది.

ఈ పాలసీలో లోన్ సదుపాయం వుందా?

పాలసీ యొక్క ప్రీమియం 3 సంవత్సరాలు చెల్లించిన తరువాత మీరు లోన్ పొందటానికి అర్హులు.మీకు సరెండర్ వాల్యు లో 90 శాతం లోన్ గా లభిస్తుంది . వడ్డీ ప్రతి ఆరు నెలలకు చెల్లించాలి .వడ్డీ రేటు 9 నుండి11 శాతం మద్యలో ఉంటుంది. 

పాలసీని మధ్యలో రద్దు చేస్తే 

 పాలసీ యొక్క ప్రీమియం 3 సంవత్సరాలు చెల్లించిన తరువాత పాలసీని  సరెండర్ చేసుకోవచ్చు కాకపోతే అలా చేయడం వలన మీరు ఇన్సురెన్సే రక్షణను కోల్పోతారు అనే విషయాన్ని మీరు గుర్తుపెట్టుకోవాలి .అది కాక మీరు చెల్లించిన మొత్తం కూడా మీకు రాకపోవచ్చు.

పాలసీ ప్రీమియం సకాలంలో కట్టక పోతే ఏమి జరుగుతుంది  

పాలసీ ప్రీమియం చెల్లించడానికి మీకు 30 రోజుల దయకాలం ఉంటుంది.ఒక వేళ అప్పుడు కూడా కట్టక పోతే పాలసీ రద్దు అవుతుంది .ఆగిన పాలసీ డేట్ నుండి 5 సంవత్సరాల లోపు ఎప్పుడయినా పాలసీని  పునరుద్దరించుకోవచ్చు.

ఆదాయపు పన్ను ప్రయోజనం 

ఈ పాలసీలో మీరు చెల్లించిన ప్రీమియం ఇన్కమ్ టాక్స్ యాక్ట్  సెక్షన్ 80 సి కింద మీరు గరిష్టంగా 1,50,000 వరకు మీరు పన్ను మినహాయింపు పొందవచ్చు . అలాగే మీరు తీసుకునే మేచ్యురిటి అమౌంట్ మీద ఇన్కమ్ టాక్స్ యాక్ట్  సెక్షన్ 10 (10) డి కింద పన్ను మినహాయింపు పొందవచ్చు.